Uni

*Norðurljósatungl*

Norðurljósa vetur 2

Nýtt tungl 7.febrúar 2016
Norðurljósatungl

Kvennaathöfn á Nýju tungli í Móðurhofi á Stokkseyri!

Sunnudaginn 7.febrúar fögnum við Nýju tungli í Móðurhofi.
Á nýju tungli í Vatnsbera fögnum við Norðurljósunum. Undursamleg og töfrandi ljós Norðursins, birta dimmu vetrarins. Við hreinsum, hugleiðum, óskum okkur og biðjum Norðurljósin að bera óskirnar okkar litríkar út í andrúmsloftið. Í myrkrinu gerast falleg kraftaverk eins og Norðurljós, sem birta okkur dimmustu daga vetrarins. Við hlustum og skynjum skilaboðin sem ljós Norðursins senda til okkar.

Þemað eru Norðurljós, því eru kertin og klæðin í litum Norðurljósanna.
Kubbakerti sem geta staðið sjálf – og ekki hefur verið kveikt á áður.
Það er líka upplagt að vera í Norðurljósa klæðum eða með slæðu sem hægt er að vefja um sig. Einnig er gott að koma með púða og teppi til að þetta verði sem notalegast hjá okkur.

Töfraljós – Töfrakerti
Ég er komin í samstarf við yndislega töfrakonu Helgu Elínborgu Auðunsdóttur. Hún á lítið fyrirtæki sem heitir Töfraljós á Selfossi og býr til yndisleg Töfrakerti. Hún mun útbúa sérstök Norðurljósakerti að þessu tilefni. Kertin verða í lit Norðurljósanna og með yndislegan Norðurljósailm. Ef þú vilt hafa kertið þitt handunnið af kærleika af henni Helgu þá getur þú látið mig vita og kertið þitt býður eftir þér í Móðurhofi við athöfnina. Kertin kosta 2500 kr.

Á Nýju tungli sameinast konur í Móðurhofi, og biðja fyrir sér og heiminum öllum.
Í heilögum takti við Tunglorkuna og Töfra alheimsins sameinumst við í heilun og vekjum upp hinn helga kvennkraft sem býr innra með hverri konu.

Allar konur hjartanlega velkomnar!

Eftir athöfnina verður boðið uppá heitt te – og allir koma með eitthvað nasl til að deila.

Mæting í Móðurhof kl 16:30. Athöfnin byrjar kl 17:00!

Það er mikilvægt að skrá sig á uni@uni.is eða í síma 696-5867.
Plássið er ekki stórt í Móðurhofi – því er betra að skrá sig sem fyrst til að halda sínu plássi.

Það kostar 3000 kr að vera með!

Athöfnin fer fram í Móðurhofi að Eyrarbraut 47 á Stokkseyri.

~Móðurhof~
Úní Arndísar
www.uni.is
uni@uni.is
s.696-5867