Uni

Vetrardrottningin – Gyðjuathöfn í Andagift

~Vetrardrottningin~

Gyðjuathöfn í upphafi vetrar
Föstudaginn 5.október 2018 kl 18:00-21:00
í Andagift – súkkulaðisetri – Reykjavík

Föstudaginn 5.október nk. fögnum við vetri og Íslensku Vetrardrottningunni með Gyðjuathöfn.
Gyðjuathöfnin fer fram í Súkkulaðisetrinu Andagift í Reykjavík og er fyrir konur á öllum aldri!

Nú snýst Norræna Árstíðarhjólið og fögnum við árstíma vetrar og myrkurs.
Íslenska Vetrardrottningin ber sérstakan sjarma – hún er stormasöm, kyrrlát og falleg, allt í senn. Við færumst inn í árstíð mýktar og myrkurs, þar sem Móðir Jörð kennir okkur að færa athyglina inná við, og sjá að þar býr Vetrardrottningin einnig.
Veturinn er tími hugleiðslu og töfra, því er upplagt í upphafi vetrar að eiga nærandi Gyðjustund í helgum hring. Þar sem við hugleiðum, óskum okkur og stígum saman inní töfrandi tíma vetrar og myrkurs.  

Allar konur hjartanlega velkomnar.

Gyðjuathöfnin fer fram í Andagift súkkulaðisetri – Rauðarárstíg 1, 105 Reykjavík. 

Það kostar 6.000 kr að vera með.

Skráning og nánari upplýsingar hjá Unni Arndísar í síma 696-5867 eða á uni@uni.is 


Unnur Arndísar seiðkona
hefur seinustu 8 árin haldið Freyjudaga, Tungl- og Gyðjuathafnir, þar sem konur koma saman og fræðast um tunglorkuna og hinn helga kvenkraft.
Unnur tengir saman mismunandi hefðir í athöfnum sínum. Hún hefur lært og numið frá Indjánum Norður Ameríku, Yogahefðir austursins og hefur hún einnig tileinkað líf sitt Norrænu Gyðjunni og sór eið sem systir Avalon.
Unnur hefur þróað Íslenskar jarðarathafnir í tengslum við Norræna Árstíðarhjólið, þar sem hún beinir augum okkar að Gyðjunni og hvernig hún birtist í Móður Náttúru allt í kringum okkur.